MHADA Lottery: घरांच्या वाटपात अनियमितता झाल्याचा ठपका म्हाडाच्या मुंबई इमारत दुरुस्ती व पुनर्रचना मंडळावर ठेवण्यात आला असून त्याची चौकशी जानेवारीपासून सुरू आहे. अद्याप म्हाडाच्या व्हाईस चेअरमनला या तपासणीचा अंतिम अहवाल सादर करण्यात आलेला नाही.
वर्षानुवर्षे संक्रमण शिबिरामधे राहणाऱ्या रहिवाशांना सर्वसमावेशक यादीद्वारे त्यांची हक्काची घरे मिळतात. मात्र, बृहत्सुचीतील घरांच्या वाटपात मोठ्या प्रमाणात भ्रष्टाचार झाल्याचा आरोप सुरुवातीपासूनच होत होता. ही बाब लक्षात घेऊन म्हाडाने बृहत्सुचीतील घरांचे वाटप आणि वितरण पारदर्शक पद्धतीने करण्यासाठी संगणकीकृत प्रणाली सुरू करण्याचा निर्णय घेतला आहे.
परिणामी, 265 घरांची सोडत डिसेंबर 2023 मध्ये काढण्यात आली. ही सोडत पारदर्शक पद्धतीने झाली असल्याने संपूर्ण यादीतील घरांच्या वाटपात कोणताही भ्रष्टाचार होणार नसल्याचे म्हाडाने (MHADA Lottery) स्पष्ट केले. मात्र, काही दिवसांतच हा दावा खोटा ठरला.
म्हाडाच घर घेण्याआधी ही बातमी बघाच… विजेत्यांनी केला आरोप..
म्हाडाच्या व्हाईस चेअरमन द्वारे देण्यात आलेल्या आदेशानंतर चौकशी सुरू झाली होती आणि आता त्यालाही पाच महिने उलटले आहेत, तरी अजूनही या बाबतचा तपास अहवाल सादर करण्यात आलेला नाही. हा अहवाल शक्य तितक्या लवकर सादर करण्यात येऊन बनावट अर्जदारांची यादी जाहीर केली जावी, अशी मागणी पेठे यांच्याद्वारे केली गेली आहे. दुरुस्ती मंडळाने आता पात्र विजेत्यांना घरे वितरित करण्याचा निर्णय घेतल्याचे दुरुस्ती मंडळाच्या सूत्रांनी सांगितले.
किती अर्जदारांनी खोटी कागदपत्रे दाखवून घरे घेण्याचा प्रयत्न केला, याचा खुलासा झालेला नाही. मात्र, या सोडतीतील संपूर्ण यादीत समाविष्ट असलेल्या पात्र विजेत्यांना घराचा ताबा देण्याचा निर्णय मंडळाने (MHADA Lottery) घेतला आहे.
मुख्यमंत्री लाडकी बहिन योजनेत बदल, त्या दोन महिन्यांचे पैसे सुद्धा मिळणार..
सविस्तर चौकशीची मागणी
तपास अहवाल सादर न करताच घरे वाटपाच्या बोर्डाच्या निर्णयावर पेठे यांच्याद्वारे नाराजी व्यक्त करण्यात आली आहे. पात्र विजेते ठरवले गेले असतील, परंतु त्यासोबतच बनावट आणि अपात्र विजेते देखील ठरले असतील तर त्यांची यादी जाहीर करून त्यांच्यावर कारवाई करण्यात यावी. त्यानंतरच पात्र विजेत्यांना घरांचे वाटप केले जावे, अशी मागणी त्यांनी केली.
एका व्यक्तीने खोटी कागदपत्रे सादर करून सहा घरांसाठी अर्ज केला आणि चार घरांसाठी संबंधित अर्जदार विजेता झाला. अर्जदारावर सोडतीतून अपात्र ठरवून खोटी कागदपत्रे सादर केल्याचा आरोप करण्यात आला. असे असूनही तो विजेता राहिला. अभिजीत पेठे, ट्रान्झिट कॅम्प असोसिएशनचे अध्यक्ष यांनी याला विरोध करत सोडतीत मोठी चूक झाल्याचा आरोप केला. यानंतर संजीव जयस्वाल, म्हाडाचे (MHADA Lottery) उपाध्यक्ष यांनी तातडीने सोडत वितरण स्थगित केले.
