Home Loan Alert: आजच्या युगात स्वतःचं घर असणं ही प्रत्येकाची महत्त्वाकांक्षा असते. मात्र वाढत्या महागाईमुळे हे स्वप्न साकार करणं कठीण झालं आहे. यासाठी गृहकर्ज (Home Loan) हा उत्तम पर्याय मानला जातो. आज अनेक कुटुंबांनी गृहकर्जाच्या माध्यमातून स्वतःचं घर खरेदी केलं आहे. परंतु गृहकर्ज ही एक मोठी आर्थिक जबाबदारी असल्याने, ते वेळेत फेडण्याची काळजी घेतली पाहिजे.
गृहकर्ज म्हणजे काय? | What is Home Loan?
गृहकर्ज म्हणजे घर खरेदीसाठी बँक किंवा वित्तसंस्थेकडून घेतलेलं कर्ज. हे फक्त पैसे घेणं नसून ती एक दीर्घकालीन जबाबदारी असते. कर्ज घेताना प्रिन्सिपल रक्कम (Principal Amount) व्यतिरिक्त व्याजदराचाही विचार केला जातो. पारंपरिक पद्धतीने 25 वर्षांत कर्ज फेडल्यावर आपण प्रचंड मोठी रक्कम फक्त व्याजात भरतो. त्यामुळे गृहकर्ज लवकर फेडण्यासाठी काही स्मार्ट युक्त्या उपयोगात आणता येऊ शकतात.
आता लाडक्या बहिणींना मिळणार 2100, तर “या” शेतकऱ्यांची होणार कर्जमाफी! बघा जाहीरनाम्यातील नवे बदल..
गृहकर्जामुळे आर्थिक ओझं वाढतं?
घरांच्या वाढत्या किमतीमुळे गृहकर्ज हा आवश्यक उपाय बनला आहे. मात्र, कर्ज फेडण्याची प्रक्रिया दीर्घकाळ चालते. दरमहा EMI (मासिक हप्ता) भरता भरता 25 वर्ष कसे जातात ते कळतच नाही. या दीर्घ कालावधीत आपण व्याज स्वरूपात खूप जास्त रक्कम भरतो, जी आपल्यासाठी आर्थिकदृष्ट्या तोट्याची ठरते.
13 वर्षांत कर्ज फेडण्याचा फॉर्म्युला | Save Money on Home Loan
गृहकर्ज लवकर फेडण्याचा एक स्मार्ट उपाय म्हणजे तुमचा EMI हळूहळू वाढवणं. उदाहरणादाखल:
जर तुम्ही 75 लाख रुपयांचं गृहकर्ज 9% वार्षिक व्याजदराने 25 वर्षांसाठी घेतलं, तर मासिक EMI ₹62,940 असेल.
25 वर्षांत तुम्हाला 75 लाख रुपये मूळ रक्कम आणि 1.14 कोटी रुपये व्याज म्हणजे एकूण 1.89 कोटी रुपये फेडावे लागतील. मात्र, जर तुम्ही वार्षिक 5% ने EMI वाढवला, तर 13 वर्षांत कर्ज फेडून 52 लाख रुपये बचत करू शकता.
तुम्हाला महिन्याचे किती रेशन मिळते? घरबसल्या जाणून घ्या एका क्लिक वर..
EMI अधिक वाढवल्यास होणारे फायदे | Benefits of Increasing EMI
जर तुम्ही तुमचा EMI वार्षिक 7.5% किंवा 10% ने वाढवला, तर कर्ज फेडण्याचा कालावधी 10 ते 12 वर्षांवर येईल. यामुळे तुम्हाला 60 ते 65 लाख रुपयांची बचत होऊ शकते.
कर्ज लवकर फेडण्याचे फायदे | Why Pay Off Home Loan Early?
कमी कालावधी: 25 वर्षांच्या तुलनेत 10-13 वर्षांत कर्ज फेडल्याने व्याजाचा ताण कमी होतो.
मोठी बचत: EMI वाढवल्याने व्याजावर होणारा खर्च कमी होतो.
आर्थिक स्थैर्य: लवकर कर्ज फेडल्यामुळे भविष्यातील योजनांसाठी आर्थिक स्वातंत्र्य मिळतं.
गृहकर्ज घेताना लक्षात ठेवायच्या गोष्टी | Home Loan Tips
तुमच्या उत्पन्न आणि खर्चाचा आढावा वेळोवेळी घ्या.
तुमच्या वार्षिक उत्पन्न वाढीचा अंदाज लावा.
EMI परवडत असेल, तर वेळोवेळी वाढवा.
योग्य आर्थिक सल्लागाराचा सल्ला घ्या.
