Budget 2024 gold rate: या महिन्यामधे सोन्या-चांदीने ग्राहकांना चांगलाच दिलासा दिला असल्याचं दिसून येत आहे. दरात बरीच घसरण झाली असल्याचं बघायला मिळत आहे. सोन्या-चांदीच्या दराने गेल्या दशकात सर्व विक्रम मोडले आहेत. दोन्ही धातूंच्या किंमतीमध्ये मोठी वाढ झाली आहे. त्यामुळे महिलावर्ग चिंतेत आहे. काही दिवसांनी ह्या मौल्यवान वस्तू आवाक्या बाहेर होतात की काय अशी चिंता लागून राहिली आहे.
गेल्या दशकभरात मौल्यवान धातूंच्या अचानक वाढीमुळे सराफा बाजाराला चालना देणारी अनेक पावले आता उलटली आहेत. या पूर्ण बजेटमुळे सोन्या-चांदीच्या (Budget 2024 gold rate) किमती नियंत्रणात येण्याची शक्यता असते. सरकारचा मेगा प्लॅन काय आहे?
आयात शुल्कात कपात होण्याची शक्यता
आगामी अर्थसंकल्पात सोने आणि चांदीवरील आयात शुल्क 5 टक्क्यांपर्यंत कमी केले जाऊ शकते. बाजारातील तज्ञ आणि अर्थ मंत्रालयाच्या सूत्रांच्या आधारे ही बातमी एका वृत्त वाहिनीने दिली आहे.
त्यानुसार मौल्यवान धातूंवरील (Budget 2024 gold rate) आयात शुल्क 15 टक्क्यांपेक्षा कमी करण्याचा सरकार गंभीरपणे विचार करत आहे. सरकारने आयात शुल्क 15 टक्क्यांवरून 5 टक्क्यांवर आणले तर हे शुल्क 10 टक्क्यांपर्यंत असेल. सोन्या-चांदीचे भाव खाली येतील.
याचा फायदा ग्राहकांना होणार आहे
एनबीटीच्या अहवालानुसार, आयात शुल्कात कपात केल्याने सोने आणि चांदीच्या किमतींमध्ये मोठा फरक पडेल. सरकारने आयात शुल्कात 5 टक्के कपात केल्यास सोने 3,000 रुपयांनी आणि चांदी 3,800 रुपयांनी स्वस्त होईल.
चीनच्या मध्यवर्ती बँकेने सोने खरेदी बंद केली आहे. जगातील अनेक बँकांनीही सोने (gold rate) खरेदी बंद केली आहे. त्यामुळे सोने-चांदीचे भाव येत्या काही दिवसांत खालच्या पातळीवर जाण्याची शक्यता आहे.
14 ते 24 कॅरेटची किंमत किती आहे?
सोने आणि चांदीची किंमत इंडियन बुलियन अँड ज्वेलर्स असोसिएशनच्या (IBJA) अनुसार, घसरली गेली आहे. 24 कॅरेट सोन्याचा भाव 71,267 रुपये, 23 कॅरेटचा भाव 70,982 रुपये, 22 कॅरेटचा भाव 65,281 रुपये झाला असून 18 कॅरेटसाठी 53,450 रुपये, 14 कॅरेटसाठी 41,691 रुपये प्रति 10 ग्रॅम भाव झाला आहे.
86,944 रुपये हा सध्या एक किलो चांदीचा भाव झाला असल्याचं दिसून येत आहे. सोन्या-चांदीवर (Budget 2024 gold rate) वायदे बाजार आणि आंतरराष्ट्रीय बाजारामधे कोणताही कर आणि शुल्क नसते. दुसरीकडे, शुल्क आणि करांच्या समावेशामुळे सराफा बाजारपेठेत किंमतींमध्ये तफावत बघायला मिळत आहे. सुट्यांमुळे किमती अपडेट केलेल्या नाहीत.
येथे वाचा – काय सांगता? या घरांच्या किमती 10 लाखांनी वाढल्या.. म्हाडा मुंबई मंडळाचा मोठा निर्णय!
